تبلیغات
ترانه های فولکلوریک آذربایجانی - دینه بیلمه دیم
 دینه بیلمه دیم

 

ایلک دفعه ساحیلده ، گؤردوم اونو من

 

بیر گیزلی اوشوتمه ، کئچدی قلبیمدن

 

اوزونو توتموشدو ماوی خزره

 

او دنیزه باخدی ، من او گؤزلره

 

دینمک ایسته دیم ، دینه بیلمه دیم

 

دینه بیلمه دیم ، نه ائدیم بیلمه دیم

 

دولاندی باهار یای ، دولاندی پاییز

 

فیکریمدن سیلینیب ، گئتمه دی او قیز

 

آرادیم من اونو باغدا باغچادا

 

حسنونو هر زامان سالارام یادا

 

گؤرمک ایسته دیم ، گؤره بیلمه دیم

 

گؤره بیلمه دیم ، نه ائدیم بیلمه دیم

 

من تویا چاغریلدیم ، بیر آخشام چاغی

 

بئزه نیب گولوردو قوناق اتاغی

 

گؤره نده قاییتدیم ، من او گؤزلی

 

آغ لباس گئیمیشدی ، او گؤزل پری

 

دینمک ایسته دیم ، دینه بیلمه دیم

 

دینه بیلمه دیم ، نه ائدیم بیلمه دیم

 

اوخویان : تیمور مصطفی اف

 


 

صفحه لر